மோகனனின் வலைக்குடில்

எனது வலைக்குடிலுக்கு வந்த உங்களுக்கு எனது முதல் வணக்கம். இங்கே எனது படைப்புகள், சிந்தனைகள், நான் ரசித்தவைகள், எனது அனுபவங்கள், நான் சந்தித்த, சந்தித்துக் கொண்டிருக்கிற சமூக முரண்பாடுகள் அனைத்தையும் படிக்கக் கொடுத்திருக்கிறேன். வாசித்துவிட்டு உங்களது கருத்துக்களை முடிந்தால் பதிவு செய்யவும்... நன்றி...

Showing posts with label கோட்டோவியம். Show all posts

Wednesday, September 17, 2014

அழகு..! - கோட்டோவியம்

எனது கல்லூரிப் பருவத்தில் ஓவியம் வரைவது எனது பொழுதுபோக்கு... 2001-ல் நான் வரைந்த ஓவியங்கள்....

Thursday, March 27, 2014

குக்கூ திரைப்படம் - கோட்டோவியம்

நான் ஆனந்த விகடன் குழுமத்தில் கடந்த 2001-ல் மாணவ பத்திரிகையாளராக பணியாற்றிக் கொண்டிருந்தபோது, ராஜு முருகன் விகடனில் உதவி ஆசிரியராக இருந்தவர்... அவருக்கு நான் ஜுனியர்...

அவரின் படைப்புதான் தற்போது திரையுலகில் வெற்றிகரமாக ஓடிக்கொண்டிருக்கும் 'குக்கூ' திரைப்படம். அவருக்காக நான் வரைந்த கோட்டோவியம் இங்கே...

Thursday, April 15, 2010

என்னவளுக்காக நான் வரைந்த கணேச ஓவியம்..!

எனக்கு கடவுள் நம்பிக்கை அற்றுப் போய் பத்து வருடங்களாகி விட்டது... ஆனால் என்னவளுக்கு என் பேருடைய கடவுளென்பதால் கணேசனை மிகவும் பிடிக்கும் என்பாள்...

அவளுக்காக நான் வரைந்த ஓவியம் இது... இது போன்ற ஓவியங்களை வரைவதை விட்டு விட்டு, கிட்டத்தட்ட 11 வருடங்களாகி விட்டது..!

நமக்கு இந்த வண்ணமெல்லாம் கொடுக்கத் தெரியாது.. எதோ எனக்குத் தெரிந்தவரை கொடுத்திருக்கிறேன்... பிடித்திருந்தால் பதிவிறக்கம் செய்து கொள்ளுங்கள்..!

Wednesday, March 17, 2010

நர்த்தன கணேஷ்...கோட்டோவியம்..!

கடந்த 13.07.1999 அன்று, எனது பிரான்ஸ் நண்பர் சைமன் டால்மேவிற்காக நான் வரைந்து கொடுத்த படம்தான் நர்த்தன கணேஷ்... இதனுடைய உண்மையான கோட்டோவியம் பிரான்சில் இருக்கிறது..!

எனக்கு (கி.பி 2000- லிருந்து) கடவுள் நம்பிக்கை கிடையாது. ஆனால் 1999-ல் இருந்திருக்கிறது... சைமனுடன் ஒரு மாதம் பழகி இருந்தேன். ஒரு மாதம் முடிந்ததும் பிரான்ஸிற்கு செல்லப் போகிறேன் என்றான்..!

என் நினைவாக அவனுக்கு ஏதாவது ஒன்று பரிசளிக்க வேண்டும் என நினைத்தேன்... ஏழை என்பதால் பொருளில்லை... பணிமில்லை... ஆனால் என் கை எனக்கு உதவியது... காகித பென்சில் உதவியது... எனக பெயரும் உதவியது... (கணேஷ் என்பதால்...)

கணேஷையே வரைந்து கொடுத்தேன்... நன்றாயிருக்கிறது என்றபடி பெற்றுக் கொண்டான்... பரணிலிருந்து ஒரு புத்தகத்தை எடுக்கும்போது... இப்படம், பாதி செல்லரித்த நிலையில் கிடத்தது. போட்டோ ஷாப்பில் புள்ளிகளை, செல்லரிப்புகளை நீக்கி கொடுத்திருக்கிறேன்..!

பிடிச்சிருந்தா பாருங்க... இல்லன்னா விட்டுடுங்க..!